25 మందితో విష్ణు..అటామిక్ చెస్

25 మందితో విష్ణు..అటామిక్ చెస్
నోబుల్ వరల్డ్ రికార్డుకు చోటు ?
దివ్యశ్రీ శిష్యుడికి మరో రికార్డు
రాయ్ చెస్ అకాడమీకి పతకాల పంట

హైదరాబాద్, అక్షిత ప్రతినిధి : ఏకబిగివిన 25 మంది ఆటగాళ్లతో అటామిక్ చెస్ లో పదకొండేళ్ల బుడతడు విష్ణు నెమల తన ప్రతిభను చాటనున్నారు. ఈ నెల 16న హైదరాబాద్ నగరంలోని మై స్కేప్ విల్లా కోర్ట్ యాడ్ లో జరుగనున్న అటామిక్ చెస్ గేమ్ లో తన సత్తా చాటేందుకు సంసిద్దులయ్యారు. ఇంటర్నేషనల్ స్కూల్ ఆఫ్ హైదరాబాద్ కు చెందిన విష్ణు నెమల… రాయ్ చెస్ అకాడమి కో డైరెక్టర్ మాశెట్టి దివ్యశ్రీ వద్ద కోచింగ్ తీసుకుండ్రు. చదరంగంలో అత్యంత ప్రతిభను సొంతం చేసుకున్న దివ్యశ్రీ వద్ద విష్ణు నెమల ప్రత్యేక శిక్షణ పొందారు. చదరంగంపై ఉన్న మక్కువతో మెళుకువలను నేర్చుకొని నోబుల్ వరల్డ్ రికార్డులో స్థానం సంపాదించేందుకు తన శక్తి యుక్తులను ప్రదర్శించనున్నాడు. చెస్ క్రీడలోనే ఆసక్తికరమైన, ప్రత్యేకమైనదిగా గుర్తింపు పొందిన అటామిక్ చెస్ గేమ్ ను నోబుల్ బుక్ ఆఫ్ వరల్డ్స్ ప్రతినిధి, అంతర్జాతీయ చెస్ ఆర్బిటర్ డా. చొక్కలింగం బాలాజీ పర్యవేక్షించనున్నారు. విష్ణు నెమల నోబుల్ వరల్డ్ రికార్డులో స్థానం సంపాదించగలరని ఉమెన్ క్యాండిడేట్ మాస్టర్ ఆఫ్ చెస్ అంకిత గౌడ్, రాయ్ చెస్ అకాడమీ డైరెక్టర్ రాజశేఖర్ రెడ్డి, కో డైరెక్టర్ మాశెట్టి దివ్య శ్రీలు ఆశాభావం వ్యక్తం చేశారు. ఇదిలా ఉంటే… సెలెబ్రిటీల చిన్నారులకు చదరంగం గురువుగా రాయ్ చెస్ అకాడమీ కో డైరెక్టర్, మిర్యాలగూడకు చెందిన చెస్ చిచ్చర పిడుగు మాశెట్టి దివ్య శ్రీ శిక్షణనిస్తుంది. తగ్గేదేలే.. పుష్పలో అల్లు అర్జున్ డైలాగ్ అయితే కావచ్చు కానీ, నిజానికి ఆ ‘ఐకాన్ స్టార్’ కూతురికి ఈ మాట అతికినట్టు సరిపోతుంది. అవును, చిన్నారి అల్లు అర్హ ఈ మధ్య ‘యంగెస్ట్ చెస్ ట్రైనర్’గా ప్రపంచ రికార్డు సృష్టించింది. ఈ విజయంలో మిర్యాలగూడ ఆణిముత్యం, చెస్ కోచ్ మాశెట్టి దివ్యశ్రీ పాత్ర ఎంతో ఉంది. ఆ చిన్నారికి చదరంగం పాఠాలు చెప్పిన గురువు మన దివ్యశ్రీ. ప్రతిభ ఎవరి సొంతమూ కాదని నిరూపిస్తున్నది మిర్యాలగూడకు చెందిన దివ్యశ్రీ బాల్యం నుంచే చదరంగంపై ఆసక్తి పెంచుకొన్న దివ్యను తల్లిదండ్రులు మాశెట్టి శ్రీనివాస్ (డైమండ్ శ్రీనివాస్), గీత కూడా ప్రోత్సహించారు. కోచ్ లు సైదులు, పార్థసారథి దగ్గర శిక్షణ ఇప్పించారు. ఎనిమిదో తరగతి చదువుతున్న రోజుల్లోనే దివ్య ఏడాదికి 10 రోజుల పాటు చదరంగం పోటీల్లో పాల్గొనేది. విద్యార్ధి దశలో 25 సార్లు జిల్లా చాంపియన్ సత్తా చాటింది. ఏడుసార్లు జాతీయ స్థాయిలో రాణించింది. 2010లో ఫిలిప్పీన్స్ లో జరిగిన అంతర్జాతీయ పోటీల్లోనూ దేశ గౌరవాన్ని నిలబెట్టింది. ఓ దశలో కళ్లకు గంతలు కట్టుకొని చదరంగం సాధన చేసింది మన దివ్య శ్రీ. ఎంతోమంది సెలెబ్రిటీల పిల్లలను గ్రాండ్ మాస్టర్స్ గా తీర్చిదిద్దుతున్నారు దివ్య, హైదరా బాద్ లోని రాయ్ చెస్ అకాడమీ కో డైరెక్టర్ గా కూడా వ్యవహరిస్తున్నారు. నిజానికి చదరంగం తన ప్రవృత్తి మాత్రమే. దివ్యశ్రీ వృత్తిరీత్యా న్యాయవాది. పలు సంస్థలకు న్యాయ సలహాదారుగా ఉన్నారు. అనేక కుటుంబాలను నిలిపిన ఫ్యామిలీ కౌన్సెలర్ కూడా. సినీ నటుడు అల్లు అర్జున్ కూతురు అర్హకు తను వ్యక్తిగత చదరంగం గురువు దగ్గరుండి ఎత్తులు పైఎత్తులు నేర్పారు. నాలుగు నెలల శిక్షణతో.. యంగెస్ట్ చెస్ టైనర్ గా అర్హ ప్రపంచ రికార్డు సాధించడంలో కీలకపాత్ర పోషించారు. త్వరలోనే తమ అకాడమీ ఆధ్వర్యంలో 350 మందికి చదరంగంలో ఉచిత శిక్షణ ఇచ్చేందుకు సిద్ధం అవుతున్నారు దివ్య. “అర్హ చాలా వేగంగా ఆలోచిస్తుంది. చక్కగా ఎత్తులు వేస్తుంది. తనకు చెస్ అంటే ప్రాణం. తాను నేర్చుకోవడమే కాదు.. తన స్నేహితులకు, ఇంట్లో పనిచేసే వారికి కూడా చదరంగంలో శిక్షణ ఇచ్చింది. అలా ఓ యాభై మందితో చదరంగం అక్షరాభ్యాసం చేయించింది దివ్య. ఆ చిన్నారి చెస్ ప్రతిభ గురించి తెలుసుకున్న నోబుల్ బుక్ ఆఫ్ వరల్డ్ రికార్డ్స్ ప్రతినిధి, ఆర్బిటరేటర్ డా. చొక్కలింగం బాలాజీ అర్హకు నైపుణ్య పరీక్ష నిర్వహించింది.”నోబుల్ బుక్ ఆఫ్ వరల్డ్ రికార్డ్స్’లో ఓ పేజీ కేటాయించారు. ఈ అద్భుతాన్ని సాధించిన ఆర్తకు, సాధన చేయించిన దివ్యశ్రీకి అభినందనలు. దివ్య శ్రీ నేర్పరిలో మరో విజయ కేతనం దక్కనుంది. విష్ణు నెమల సైతం ఈ నెల 16న జరుగనున్న పోటీల్లో తన ప్రతిభను చాటి అటామిక్ చెస్ లో నోబుల్ వరల్డ్ రికార్డులో చోటు సంపాదించనున్నారని దివ్య శ్రీ ఆశాభావం వ్యక్తం చేశారు. రాయ్ చెస్ అకాడమీ ఇప్పటికే పలు అవార్డులు రివార్డులు సొంతం చేసుకోగా విష్ణు నెమలతో మరో రికార్డును హస్తగతం చేసుకోనుంది.

తండ్రికి తగ్గ తనయ

సేవల్లో మేటిగా నిలిచిన మాశెట్టి శ్రీనివాస్ తనయ దివ్య శ్రీ తండ్రికి తగ్గ తనయగా పేరొందింది. మిర్యాలగూడ పట్టణానికి చెందిన మాశెట్టి శ్రీనివాస్ – గీత దంపతుల రెండవ తనయ దివ్య శ్రీ. చదువుకుంటూనే క్రీడల పట్ల ఉన్న మక్కువతో చెస్ క్రీడను ఎంచుకుంది. చదరంగం క్రీడలో చక్కటి ప్రతిభను పొంది జిల్లా, రాష్ట్ర, జాతీయ, అంతర్జాతీయ స్థానంలో కీర్తి సంపాదించి మిర్యాలగూడ పేరును చెస్ క్రీడలో పతాక స్థాయికి చేర్చింది. చెస్ క్రీడల్లో ఆసక్తి ఉన్న ఎంతోమందికి శిక్షణ నిచ్చి… ఇంతింతై వటుడింతై అన్న చందంగా సెలబ్రిటీల పిల్లలకు చెస్ గురువుగా కీర్తి గడిస్తుంది.

Leave A Reply

Your email address will not be published.